لا حول الله يارب ادينا اتخرجنا و قعدنا زيكم مقعد البطالة و المثل بيقول الايد البطالة نجسة ده طبعا معمول بيه فى الصين و اليابان مش هنا طبعا و الا ماكنش ده الحال احنا عارفيم اسم كل لاعب كورة و حتى الحكم و حاملى الرايات بس و لا نعرف اسم عالم او عالمة ( من العلم مش الرقص) خد عندك و تقولش لحد .......
واحد صحبى اتخرج من الكليه و بعد مرمطة و سهر كان ترتيبه التانى على الدفعة اشتغل ى احد مراكز البحوث تعرف مرتبه كم تحب اقول و لا هاتقع من طولك بش لو ماكنتش تحلف بياخد لامؤاخذة 70 خازوق مطلع كل هلال لا و مش كده ده ساعات بياخد اقل و مره حلف لى انه اخد 40 خازوق ماركة كليبر ( الذى بسببه قتل سليمان الحلبى على الخازوق ) و لم يرحمه ترتيبه المتفوق من ان يحصل على حقه فى حياة كريمة ده لو مسجل خطر يكسب اكتر من كده
عموما ده احسن من غيره كتير بس السؤال عن الجماعة اللى بيصدعوا دماغنا بالمدارس و الجامعات الموجوده و انا العمل هو الاساس و المقياس ايه رأيهم اكيد هايصنفونى انى من اعداء الوطن و خفاش من خفافيش الظلام بعوق مسيرة التنمية اللى بتجر زى القطار فائق اليرعة بين لندن و باريس
و خد عندك حكايه الستات اللى عملوا عربياتهم فى نص المترو بعد حادثة حلوان الشهيرة و طبعا كانوا واخدين اول عربيتين و طبعا ماينفعش يرجعوهم ورا خالص فى اخر عربيتين ام راحوا حاطينهم فى النص لان مافيش مترو فى الجنب مطلوب بقى من الراجل انه يشتغل و يتنحل و يموت شر موته كأنه كلب و لا يسوى فين هيبة سى السيد الله يرحمه
و للمقال بقيه لضيق الوقت
هناك تعليق واحد:
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Monitor de LCD, I hope you enjoy. The address is http://monitor-de-lcd.blogspot.com. A hug.
إرسال تعليق